Virgin Students Par Khooni Hamle: Ant Tak Hila Dene Wali Horror Story

Images © Film stills from : (2000) – used for review/educational purposes.

Ek aisi film ki kahani, jise dekhne ke baad rooh kaanp jaaye. Is movie ko ant tak zaroor dekhna, kyunki kahani rongte khade kar dene wali hai.

Film ki shuruaat mein Stacy aur Adam sunsaan sadak par apni gaadi rok kar intimate ho rahe hote hain. Tabhi peeche se ek car ki headlight jalti hai. Us car mein ek darawni dikhne wali aurat baithi hoti hai. Woh zor-zor se horn bajati hai, jisse Adam ka dimaag ghoom jata hai aur woh car se nikal kar uske paas jaata hai.

Lekin budhiya pehle darwaza zor se maar kar Adam ko gira deti hai, phir chaku se vaar karke uski jaan le leti hai. Adam ko maarne ke baad woh Stacy ko pakad leti hai aur use bhi maar daalti hai.

Phir ek raat ek aur premi joda car mein chumma-chaati kar raha hota hai. Tabhi Kelly ki maa wahan aa jaati hai aur Kelly ko apne saath le jaati hai. Jordan ko berozgaar lukha keh kar daant deti hai. Kelly apni maa ke saath chali jaati hai. Ghar pahunchkar Kennedy Kelly ko daant lagata hai aur kehta hai, “Yeh ghar aane ka samay hai. Agli baar late hui to bahar hi nahi nikalne dunga.”

Agli subah Kennedy ko do laashon ka pata chalta hai. Stacy aur Adam ki laashein pedon ke beech latki hui milti hain. Is bhayanak drishya ko dekhne ke baad Kennedy unke school jaakar jaanch karta hai. Pata chalta hai ki dono school friends the aur aksar baatein karte rehte the.

Jab Kennedy classroom mein jaakar students se Adam aur Stacy ke baare mein poochta hai, to koi bhi apni zubaan se ek shabd nahi bolta.

Agli raat katil aurat ek ghar par nazar rakhti hai. Jab ghar mein koi nahi hota, to woh andar ghus jaati hai. Wahan ek ladki darwaza kholti hai, to katil bina kisi wajah ke use darwaze par hi maar deti hai.

Der raat mata-pita ghar aate hain aur apni beti ko latka hua dekh kar cheekhne lagte hain. Kennedy officer bhi wahan pahunchta hai. Woh gaur se dekhta hai ki sabhi dead bodies par “Virgin” likha hota hai.

Iska matlab yeh hota hai ki killer un sabhi ko maar raha hai jo virgin hain. Iske baad Kennedy sabhi maa-baap ko parent meeting ke liye bulata hai aur batata hai ki katil sirf un bachchon ko nishana bana raha hai jo virgin hain. Yeh sunkar maa-baap gussa ho jaate hain aur kehte hain, “Kya matlab? Kya ab sab bachchon ko zabardasti ek-doosre ke saath sona chahiye?”

Meeting ke dauraan Mat aur Kelly behas dekh rahe hote hain. Tabhi Mat ko ek call aata hai aur woh Kelly se door chala jaata hai. Kelly pareshan ho jaati hai. Mat nahi aata, isliye Kelly use dhoondhte hue basement jaati hai. Wahan ek locker par “Virgin” likha hota hai. Jab Kelly use kholti hai, to Mat ki laash saamne milti hai.

Kelly darr jaati hai. Peeche chhupi katil aurat Kelly par hamla karti hai, lekin Kelly usse ladkar kisi tarah apni jaan bacha leti hai aur bhaag kar apne baap Kennedy se takra jaati hai. Kennedy bandook lekar basement jaata hai, lekin katil bhaag chuki hoti hai.

Agli subah Kelly police ke saath milkar killer ka sketch banwati hai. Kennedy principal Tom ko phone karta hai aur batata hai ki sketch bilkul Lory Sharman jaisa lagta hai, jo 27 saal pehle mar chuki thi.

Kelly landline par chal rahi baat sun leti hai aur Lory Sharman ke baare mein jaanne ke liye college library jaati hai. Wahan uski maa aa jaati hai aur sach batati hai. 27 saal pehle chaar ladkon ne milkar Lory ka rape kiya tha. Lory anath thi, isliye uske liye ladne wala koi nahi tha. Case haarne ke baad woh shehar chhod kar chali gayi thi.

Kelly poochti hai ki woh chaar ladke kaun the. Maa batati hai ki unmein se do mar chuke hain, aur baaki do principal Tom aur tumhare baap Kennedy the. Yeh sunkar Kelly apne baap se nafrat karne lagti hai.

Images © Film stills from :(2000) – used for review/educational purposes.

Agle din sabhi students decide karte hain ki ek party rakhi jaaye, jisme sab ek-doosre ke saath intimate hon, taaki killer unhe na maare. Police bhi party ke bahar pehra deti hai.

Idhar Kennedy Tom se milne jaata hai, lekin Tom ki laash milti hai. Peeche se killer hamla karti hai aur Kennedy behosh ho jaata hai.

Udhar party mein Martin kisi ke saath intimate nahi hota, kyunki use sirf Kelly chahiye hoti hai. Woh Kelly ko dhoondhne nikal jaata hai. Kelly apne professor Bob ke ghar pahunchti hai. Bob madad maangte hue ek box khinchne ko kehta hai. Box khulne par andar Kennedy adhmari haalat mein bandha hota hai.

Tab pata chalta hai ki asli killer Professor Bob hai. Bob batata hai ki 27 saal pehle jis ladki ke saath zulm hua tha, woh uski maa thi. Bob wahi bachcha hai jo us ghatna ke baad paida hua tha. Ab woh apni maa ko insaaf dilane ke liye yeh sab kar raha hai.

Martin Bob par hamla karta hai aur Kelly ko chhuda leta hai. Bob aur Kennedy ke beech ladai hoti hai, jisme Kennedy Bob ko maar deta hai. Uske gunaahon ki saza use mil chuki hoti hai.

Ant mein Kelly aur Martin party mein pahunchte hain. Wahan Bob phir se hamla karta hai aur kai logon ko maar deta hai. Aakhirkar Kelly apni chaturai se Bob ko gira detti hai aur ek nokili cheez uske seene ke paar ho jaati hai. Bob ki maut ho jaati hai.

Yahin par film ka the end hota hai. Kahani pasand aayi ho to ek like zaroor kijiye.