Poster Image Credit: Official poster of Bhabiji Ghar Par Hai: Fun On The Run, produced by Edit II Productions & Zee Cinema, distributed by Zee Studios. All rights belong to the respective production house.
Bhabiji Ghar Par Hai: Fun On The Run – TV Se Cinema Tak Hansi Ka Safar
2015 se chal raha popular television show “Bhabiji Ghar Par Hai” ab TV ki chhoti screen se nikal kar bade parde par apna jalwa bikherne ke liye taiyaar hai.
Wahi hasi-mazaak, wahi takraar aur ek-dusre ki biwi par fida hone wali aadat —
Manmohan Tiwari aur Vibhuti Narayan Mishra, umr ke saath bhale hi aage badh gaye ho,
lekin dil aaj bhi poori tarah jawaan hai.
TV Se Film Tak Ka Safar
Aksar jab bade parde par bade sitare aate hain, to film ka maza aur bhi badh jaata hai.
Isi wajah se Bhabiji Ghar Par Hai: Fun On The Run me Ravi Kishan, Mukesh Tiwari
aur Bijendra Kala jaise diggaj kalakaron ko shamil kiya gaya hai,
jo comedy ko ek naye level par le jaane ka dum rakhte hain.
Bhabiji Ghar Par Hai ek aisa family drama hai jo shadi-shuda couples ke beech
khaasa lokpriya ho chuka hai. Beech ke kuch daur me show thoda bold aur adult comedy ki taraf gaya,
lekin baad me makers ne dobara ise family-friendly banaya, taaki hasi ke saath saath
shuddhta bhi bani rahe.
Family Comedy Ka Commitment
Aaj ke daur me kai TV shows sirf TRP ke chakkar me apna genre badal dete hain.
Marathi comedy show Hasya Jatra ka example sabke saamne hai,
jahan comedy ke naam par adult punches ka sahara liya gaya.
Lekin Bhabiji Ghar Par Hai ne apni pehchaan kabhi nahi badli.
Chahe TRP gire ya badhe, ye show hamesha ek clean family entertainer bana raha —
aur shayad isi wajah se aaj bhi log ise dil se pasand karte hain.
Teaser Me Kya Hai Khaas?
Film ke teaser me bhoot ki entry dikhai gayi hai, jo kahani me ek naya twist laati hai.
Saath hi kaafi naye locations bhi nazar aate hain, jo TV set se kaafi alag aur
cinematic feel dete hain.
Comedy ka tadka ab bade parde par ek naye andaaz me dekhne ko milega,
kyunki film me itne saare comedians shamil kiye gaye hain ki lagbhag
har 15 second me ek naya comedy punch sunne ko mil sakta hai.
Anita Bhabhi Ka Safar: Soumya Se Vidhisha Tak
Jaise ki aap jaante hain, 2020 me Soumya Tandon ne show chhod diya tha.
Unke baad Neha Pendse
ko Anita Bhabhi ke role me cast kiya gaya,
lekin unka safar zyada lamba nahi raha.
Image Credit: Courtesy of Neha Pendse Instagram (@nehapendse).
All rights belong to the respective owner.
Gaurtalab hai ki Neha Pendse ka ek saal ka contract poora hone ke baad
unhone ise renew nahi karwaya. Interest kam hone ke chalte,
ek saal baad unhone show alvida keh diya.
Iske baad Vidisha Srivastava
ne Anita Bhabhi ke kirdaar ki zimmedari sambhali
aur dheere-dheere apni jagah bana li.
Vidhisha Shrivastava Kaun Hain?
Image Credit: Vidhisha Shrivastava Instagram (@vidhishr)
Vidisha Srivastava
, Varanasi (Uttar Pradesh) ki rehne wali ek talented kalakar hain.
Unhone South Indian films me bhi kaam kiya hai,
lekin aaj wo ghar-ghar me Anita Bhabhi ke naam se pehchaani jaati hain.
Personal life ki baat karein to Vidhisha ki shaadi businessman Sayak Paul se hui hai
aur unki ek chhoti si beti bhi hai.
Film Ki Kahani (Story)
Film ki kahani ek zabardast bhag-daud se shuru hoti hai,
jahan Vibhuti Narayan Mishra, Manmohan Tiwari, Anita Bhabhi aur Angoori Bhabhi
ek nayi aur ajeeb musibat me phans jaate hain.
Jhooth, fareb, chalaki aur tajurbe-daar naye kirdaar kahani ko lagataar
maze-daar banaye rakhte hain. Beech-beech me show ke mashhoor dialogues
aur punchlines theatre me zor-zor se thahake lagwane ka poora intezaam karte hain.
Kya Ye Film Aapke Liye Hai?
Agar aap roz-marra ki tension se door jaakar sirf hasna chahte hain,
khulkar muskurana chahte hain, aur zindagi me thoda sa namak-mirch ka tadka
lagana chahte hain — jiska naam Bhabiji hai —
to ye film aapke liye ek perfect choice ho sakti hai.
🎬 Bhabiji Ghar Par Hain! Fun On The Run – Cast
🎥 Bhabiji Ghar Par Hain! Fun On The Run is an upcoming Indian Hindi-language comedy film starring the original sitcom cast along with exciting additions, releasing on 6 February 2026.
Release Date
Bhabiji Ghar Par Hai: Fun On The Run ke maze aap
6 February se theatres me le sakte hain.
Comments
Post a Comment