Raja Sahab Movie Story Raja Sahab Movie Story – Horror, Badla Aur Punar Janam Kahani me hota hai ye ki Sanjay Dutt ek aisa bhoot hai jo marne ke baad bhi apni chori ki hui daulat ko kharch karna chahta hai. Saalon pehle, wo ek gareeb bhikari tha jo ek shandaar mahal ke ird‑gird bheek manga karta tha. Ek din mahal ki Rani gareebon ko khana khila rahi hoti hai. Sanjay Dutt bhuka‑pyasa hota hai, khane ka naam sunte hi bhagte hue aata hai aur anjaane me rani ke haath ko chhoo leta hai. Ye baat sipahiyon ko bilkul pasand nahi aati. Image Credit: Raja Sahab Movie Still © Respective Production House / Film Makers. All rights belong to the original owners. This image is used for review and informational purposes only. Sipahi Sanjay Dutt ki buri tarah pitai kar dete hain. Ye apmaan Sanjay ke dil par lag jaata hai. Wo sochta hai – “Jis rani ko chhoone bhar se mujhe itna mara gaya, agar yehi rani mujhe chhoone ke liye pagal ho ja...
Raja Sahab Movie Story – Horror, Badla Aur Punar Janam
Kahani me hota hai ye ki Sanjay Dutt ek aisa bhoot hai jo marne ke baad bhi apni chori ki hui daulat ko kharch karna chahta hai. Saalon pehle, wo ek gareeb bhikari tha jo ek shandaar mahal ke ird‑gird bheek manga karta tha.
Ek din mahal ki Rani gareebon ko khana khila rahi hoti hai. Sanjay Dutt bhuka‑pyasa hota hai, khane ka naam sunte hi bhagte hue aata hai aur anjaane me rani ke haath ko chhoo leta hai. Ye baat sipahiyon ko bilkul pasand nahi aati.
Image Credit: Raja Sahab Movie Still © Respective Production House / Film Makers. All rights belong to the original owners. This image is used for review and informational purposes only.
Sipahi Sanjay Dutt ki buri tarah pitai kar dete hain. Ye apmaan Sanjay ke dil par lag jaata hai. Wo sochta hai – “Jis rani ko chhoone bhar se mujhe itna mara gaya, agar yehi rani mujhe chhoone ke liye pagal ho jaye to?”
Kala Jaadu Aur Badle Ki Kasam
Sanjay kasam kha leta hai ki wo rani se shadi karke rahega. Isliye wo ek tantrik ke paas jaakar kala jaadu seekhta hai. Tantrik use jadugar bana deta hai aur ek vashikaran wala laddu deta hai.
Jaise hi rani wo laddu khati hai, wo Sanjay ke vash me aa jaati hai. Sanjay vashikaran ke zariye rani se shadi kar leta hai aur rani ki saari jaydaad, sona‑chandi aur gehne uske naam ho jaate hain.
Lekin ek din Sanjay saara sona lekar bhaag jaata hai. Rani ko dand diya jaata hai ki usne galat aadmi se shadi ki. Use mahal se bahar nikaal diya jaata hai.
Prabhas Ka Entry Aur Khazana
Rani apne pote ko lekar sadkon par aa jaati hai. Ye pota koi aur nahi balki Prabhas hota hai. Prabhas bada hokar uss rajmahal me jaata hai jahan uski daadi (Rani) ka khazana chhupa hua tha.
Lekin uss ghar me Sanjay Dutt ki aatma rehti hoti hai, jo uss khazane ki raksha kar rahi hoti hai. Usse punar janam lena hota hai, aur uske liye zaroori hai ki Prabhas ki daadi ki maut ho.
Sanjay Dutt Prabhas aur uske doston ko Purnima ki raat tak uss ghar me kaid kar leta hai, kyunki wahi raat uske punar janam ka waqt hoti hai.
Ab sawal ye hai – Prabhas kaise apni daadi ko bachata hai? Kaise apne doston ko uss bhootiyen ghar se nikaalta hai? Aur kya wo khazana wapas laa paata hai?
Horror Comedy Se Serious End Tak
Movie zyada tar horror comedy ke andaaz me chalti hai, lekin end me kahani bohot serious ho jaati hai jab Boman Irani ki maut ho jaati hai. Boman Irani ek psychiatrist hota hai jise bhoot pakadne ke liye bulaya jaata hai.
Marte‑marte Boman Irani, Sanjay Dutt ko khatam karne ka raaz Prabhas ko bata deta hai. Wo raaz kya tha – ye jaanne ke liye aapko Raja Sahab zaroor dekhni hogi.
Final Verdict
Raja Sahab ek aisi film hai jo comedy, horror aur emotion ka zabardast mix hai. Shuruaat me hasi, beech me darr aur end me ek emotional aur serious twist – ye movie ek complete entertainer ban jaati hai.
Comments
Post a Comment