Mardani 3 Ki Kahani: Child Trafficking Par Rani Mukerji Ka Sabse Dangerous Case
Still Image Credit: © Yash Raj Films | Mardani 3 (2026)
Mardani 3 Movie Story (Hinglish)
Movie ki shuruaat do masoom bachchiyon ki kidnapping se hoti hai. Badi bachchi, jinki umar lagbhag 12 saal hoti hai, shehar ke Ambassador ki beti hoti hai, jabki chhoti bachchi sirf 5 saal ki hoti hai aur wo Ambassador ke naukar ki beti hoti hai.
In dono bachchiyon ko bachane ka case senior police officer Shivani Shivaji Roy (Rani Mukerji) ko milta hai. Kyuki case Ambassador ki beti se juda hota hai, isliye poora shehar aur police department bachchiyon ko dhoondhne me lag jata hai.
Chaar kidnappers bachchiyon ko utha kar ek bade girau ko 20 lakh rupaye me bech dete hain. Iske baad Rani Mukerji Ambassador ke bungalow par firauti ke phone ka intezar karti hain, taaki call track karke kidnappers tak pahucha ja sake.
Lekin poora din beet jaane ke baad bhi koi phone nahi aata. Tab Rani ko samajh aata hai ki ye simple kidnapping nahi, balki child trafficking racket ka case hai, jahan bachchon ko becha jata hai, dhande me dhakela jata hai ya videsh bhej diya jata hai.
Iske baad Rani ek master plan banati hain. Media ke through ek khabar failayi jati hai jisme Ambassador announce karta hai ki uski beti ki jankari dene wale ko 2 crore rupaye cash inaam diya jayega.
Is lalach me aakar wahi kidnappers dobara usi adde par jaate hain jahan bachchiyon ka sauda 20 lakh me hua tha. Wahan goli-baari karte hue wo badi bachchi ko chhuda lete hain, taaki uske badle Ambassador se 2 crore vasool sakein. Lekin wo naukar ki beti ko wahi chhod dete hain.
Baad me kidnappers ek hotel ke room se paison ke liye phone karte hain aur mobile wahi chhod kar bhaag jaate hain. Police turant location par pahunch jaati hai, jisse kidnappers ko ehsaas hota hai ki Ambassador police ke saath mila hua tha.
Gusse aur ghabrahat me kidnappers decide karte hain ki ab wo bachchi ko bhi le jaayenge aur paisa bhi. Yahin se film aur zyada thrilling ho jaati hai.
Jis girau ko bachchiyon ko 20 lakh me becha gaya tha, wo khaufnaak Amma ke gunde hote hain. Amma ka network bahut strong hota hai, aur uske ek ishare par laashein bichh jaati hain.
Film ki sabse badi khaas baat ye hai ki isme koi bhi rape scene nahi dikhaya gaya hai. Sirf baaton ke zariye sachchai ko dikhaya gaya hai, jis wajah se Mardani 3 apne pichhle dono parts se zyada clean aur sensible lagti hai.
Film me Janki Bodiwala ek constable ke role me nazar aati hain. Rani Mukerji ke saath milkar unka Amma ke girau me ghusna bahut emotional aur impactful tareeke se dikhaya gaya hai.
Film ka climax audience ko sochne par majboor kar deta hai. Kahani ye sikhati hai ki agar dimaag ka sahi istemal kiya jaaye, to kisi bhi mushkil situation se nikla ja sakta hai.
Jab bhi Rani koi galti karti hain, wo panic nahi karti, balki calmly sochti hain ki next move kya hona chahiye aur bahut smart tareeke se apna mission complete karti hain.
Mardani 3 ka end pichhle dono Mardani films se bhi zyada powerful lagta hai. Pure confidence ke saath kaha ja sakta hai ki is film ki mouth publicity zabardast hone wali hai aur zyadatar shows housefull jayenge.
Is film me Rani Mukerji pehle se zyada fit aur zyada khoobsurat nazar aati hain.
Ab sawaal ye hai — kya Rani Mukerji dono bachchiyon ko kidnappers se bacha paati hain? Kya wo Amma ke mafia network ka parda-faash kar paati hain? Ya phir is poore racket ke peeche koi aur hi mastermind chhupa hua hai?
In sab sawaalon ke jawab jaanne ke liye zaroor dekhiye — Mardani 3
Main Cast of Mardaani 3 (2026)
-
Rani Mukerji as Shivani Shivaji Roy (Lead Cop)
Wikipedia: Rani Mukerji | IMDb: Rani Mukerji -
Janki Bodiwala (Important Police Role)
Wikipedia: Janki Bodiwala | IMDb: Janki Bodiwala -
Mallika Prasad as Amma (Main Antagonist)
Wikipedia: Mallika Prasad (via Mardaani 3 page) | IMDb: Mardaani 3 Page (Photos & Cast) -
Other Cast Members
(Including Police officers, trafficking ring members, etc.)
Full Cast & Crew — IMDb
Read More : Emraan Hashmi ki Taskaree: The Smugglers Web ki Kahani
Comments
Post a Comment