Raja Sahab Movie Story Raja Sahab Movie Story – Horror, Badla Aur Punar Janam Kahani me hota hai ye ki Sanjay Dutt ek aisa bhoot hai jo marne ke baad bhi apni chori ki hui daulat ko kharch karna chahta hai. Saalon pehle, wo ek gareeb bhikari tha jo ek shandaar mahal ke ird‑gird bheek manga karta tha. Ek din mahal ki Rani gareebon ko khana khila rahi hoti hai. Sanjay Dutt bhuka‑pyasa hota hai, khane ka naam sunte hi bhagte hue aata hai aur anjaane me rani ke haath ko chhoo leta hai. Ye baat sipahiyon ko bilkul pasand nahi aati. Image Credit: Raja Sahab Movie Still © Respective Production House / Film Makers. All rights belong to the original owners. This image is used for review and informational purposes only. Sipahi Sanjay Dutt ki buri tarah pitai kar dete hain. Ye apmaan Sanjay ke dil par lag jaata hai. Wo sochta hai – “Jis rani ko chhoone bhar se mujhe itna mara gaya, agar yehi rani mujhe chhoone ke liye pagal ho ja...
MY NAME – Korean Web Series Ki Kahani
Zindagi me kabhi kabhi aapka sabse kareebi hi farebi hota hai. Dhoka, chaalsaazi aur matlabi iss duniya me khud ke alava kisi par bhi bharosa karna bevukufi hai.
Kahani shuru hoti hai ek aise pita se, jiski behrami se hathya kar di jaati hai. Aur hairani ki baat ye hoti hai ki uski jaan uska sabse jigri dost hi le leta hai. Baad me pachtaap ki aag me jalta hua wahi dost, apne mare hue dost ki beti ka zimma apne sir le leta hai.
Uss ladki ka naam hota hai Ohh Hye-Jee. Lekin Ohh Hye-Jee ko ye baat bilkul bhi pata nahi hoti ki uske pita ka qaatil koi aur nahi balki wahi shakhs hai jise wo apna rakshak aur guru samajhti hai.
Image Credit:
Image taken from Korean Web Series MY NAME (2021).
Produced by Studio Santa Claus Entertainment.
Distributed by Netflix.
All rights belong to the respective owners.
Image taken from Korean Web Series MY NAME (2021).
Produced by Studio Santa Claus Entertainment.
Distributed by Netflix.
All rights belong to the respective owners.
Uske dil me sirf ek hi aag jal rahi hoti hai – badle ki aag. Wo apne pita ke qaatil ki jaan lena chahti hai. Lekin wo kamzor hoti hai, isliye Choo Mun-Jee use mazboot banane ka zimma uthata hai.
Choo Mun-Jee use ladkon ke gymkhane me training deta hai, jahan kuch badmash ladke uska shoshan karne ki koshish karte hain. Wo uske paani me nashili dawa mila dete hain, jisse wo behosh hone ke kagaar par pahunch jaati hai.
Lekin Ohh Hye-Jee kisi tarah bach jaati hai aur apni izzat loot jaane se khud ko bacha leti hai. Jab iss gandi harkat ka khulasa Choo Mun-Jee ke samne hota hai, to wo un dono badmashon ko khaufnaak saza deta hai – ek ka chehra bigaad deta hai aur dusre ko gayab kar deta hai.
Iske baad Choo Mun-Jee, Ohh Hye-Jee ki poori pehchaan badal deta hai – uska naam, uska gharana, uski zindagi sab kuch. Taakki nayi pehchaan ke sath wo police me bharti ho sake, kyunki Choo Mun-Jee khud ek mujrim tha aur purane naam ke sath wo police officer nahi ban sakti thi.
Ohh Hye-Jee gym chhod deti hai aur 5 saal tak kadi mehnat karke police officer ban jaati hai, sirf isliye taakki apne pita ke qaatil ki chaanbeen kar sake aur use maar sake.
5 saal baad bhi Choo Mun-Jee uske contact me rehta hai. Kahani aur zyada dil-dehla dene wali tab ho jaati hai jab un do badmashon me se ek, Do Ganj-Jee, wapas laut aata hai.
Jiska chehra Choo Mun-Jee ne bigaad diya tha, wo badla lene ke liye gymkhane par hamla kar deta hai. Phir Choo Mun-Jee aur Do Ganj-Jee ke beech ek khooni gangwar shuru ho jaata hai.
Choo Mun-Jee khud ek mujrim hai aur police uske khilaaf saboot jutane me lagi rehti hai. Lekin har baar Ohh Hye-Jee use pehle hi khabar karke bacha leti hai. Yahi aankhmecholi iss series ka sabse intresting part aur kahani ki jaan hai aur kahani ko dilchasp banata hai.
Dheere-dheere police department ke bade adhikari Ohh Hye-Jee par shak karne lagte hain, kyunki jabse wo narcotics department me aayi hai, tabse Choo Mun-Jee har baar bach nikalta hai.
Sach ye hota hai ki Choo Mun-Jee, pehle apne dost aur ab uski beti ke bharose ka bakhubi fayda utha raha hota hai aur apne khilaaf saboot mita raha hota hai.
Aakhirkaar wo din aa hi jaata hai jab Ohh Hye-Jee ko pata chal jaata hai ki uske pita ka qaatil koi aur nahi, balki uska apna guru Choo Mun-Jee hi hai.
Ab sawal ye hai – kya Ohh Hye-Jee use maar paati hai? Aur jab Choo Mun-Jee ka parda faash hota hai, to wo kya karta hai?
Jawab jaanne ke liye
MY NAME Web Series ko Netflix par zaroor dekhiye.
Ye sirf ek kahani nahi hai, balki zindagi me apne maksad ko kabhi na bhoolne ki seekh sikhati hai.
Ohh Hye-Jee ka dridh nishchay, apne maksad ke liye kuch bhi kar guzarne ki kala aur mashoor aur mazboot kahawat ki asli jung hamesha khud se hoti hai – ye sab kuch hume iss series se seekhne ko milta hai.
Saath hi ye kahani hume yaad dilati hai ki ye duniya kitni farebi hai. Aap aur aapke parivaar ke alava iss duniya me aapka koi saga nahi hota.
Isliye zindagi ke daav-pech me MY NAME hume bharose aur dhokhe ka asli matlab sikhati hai.
Agar kahani pasand aayi ho to ise share karna bilkul na bhoolen.
Comments
Post a Comment