RIP (2026) Netflix Movie Full Story | Ending Explained
Sochiye ke aapke ghar me 20 million dollars saalon pehle kisi ne chhupa kar rakhe the, aur aapko is baat ki zara si bhi khabar nahi thi.
Achaanak police aati hai aur aapke ghar me raid marti hai… aur phir aapke hi ghar ke ek aise secret room se 20 million dollars baramad hote hain, jiske baare me aap khud bhi nahi jaante the.
Us waqt aapki halat kya hogi? Kitna pachhtaava hoga — iska andaaza aap khud hi laga sakte hain.
Image Credit: Netflix Official
Bilkul aisi hi shocking kahani hai Netflix par 2026 me aa chuki movie “RIP” ki.
RIP Movie Story
Film me hai 5–6 police officers ki ek team hoti hai, jo Colombia ke mafia dwara USA me chhupaye gaye paison ki talaash me ek ghar par raid karti hai.
Unhe Tip mili thi ki us ghar me sirf 1.5 million dollars chhupaye gaye hain, lekin jab ghar ko poori tarah khangaala jata hai, to wahan se 20 million dollars nikal aate hain.
Yahin se kahani apni asli raftaar pakadti hai.
Itna paisa dekhte hi sabhi police officers ki niyat fisalne lagti hai. Team ke kuch imaandaar nahi balki beimaan officers chhup-chhaap apne bahar ke saathiyon ko phone kar dete hain.
Aur Raat bhar us ghar par attacks hone lagte hain, taaki sabko Ko goliyon se bhoond gaddar police officer apne bheje gaye sathiyon ke sath poora maal loot kar le ja sake.
Ek Raat Ki Kahani
Is film ki sabse badi khaas baat yeh hai ke poori movie sirf ek hi raat me khatam ho jaati hai.
Isi wajah se film audience ko shuru se lekar end tak baandh kar rakhti hai.
Story aur direction dono hi kaafi creative aur intense hain.
Kante Movie Ki Yaad Dilati Hai RIP
RIP kai jagah par Bollywood ki legendary film “Kaante” ki yaad dilati hai, jisme Sanjay Dutt, Mahesh Manjrekar, Amitabh Bachchan, Suil Shetty, Kumar Gaurav, Gulshan Grover, Malaika Arora jaise diggaj kalakar the.
Jahan chori ke baad jab paisa saamne aata hai, to lalach me log ek-dusre ko hi thok dete hain.
RIP bhi isi tarah insaani laalach, dhokhe aur dimaagi khel ko dikhati hai.
Raid Team Me Chhupa Qaatil
Film ka sabse bada twist tab aata hai, jab pata chalta hai ke usi raid team ke andar ek qatil chhupa hua tha.
Wahi qatil jisne nihayati imaandaar lady police officer ki hatya ki thi jisne marte marte tip di thi.
Marte waqt woh officer message ke zariye apne ek saathi police officer ko maal ke baare me hint de deti hai — yaani us ghar ka exact pata.
Isi ke baad us gaddar police officer ka bhi parda-faash ho jata hai jisne uska khoon kiya tha.
Kya Aapko Yeh Film Dekhni Chahiye?
Agar aapko mind games, thriller movies aur human psychology par based kahaniyaan pasand hain, to Netflix ki RIP aapke liye perfect film hai.
Yeh movie aapko end tak sochne par majboor kar degi ke asli dushman bahar nahi, aksar apne hi beech hota hai.
RIP (2026) Movie Cast
- Matt Damon as Lieutenant Dane Dumars
- Ben Affleck as Detective Sergeant J.D. Byrne
- Steven Yeun as Detective Mike Ro
- Teyana Taylor as Detective Numa Baptiste
- Sasha Calle as Desiree “Desi” Lopez
- Catalina Sandino Moreno as Detective Lolo Salazar
- Scott Adkins as FBI Agent Del Byrne
- Kyle Chandler as DEA Agent Mateo “Matty” Nix
- Néstor Carbonell as Major Thom Vallejo
- Lina Esco as Captain Jackie Velez
Watch RIP(2026) For Free Here
Nayi kahaniyan aur exclusive content paane ke liye hamare channels join karein:
Telegram Join Karein
Comments
Post a Comment