Aashiqon Ki Colony” Lyrics Highlight – Shahid Kapoor & Disha Patani New Song Review
Shahid Kapoor aur Disha Patani ka Naya Gana Launch – Romeo Movie
Shahid Kapoor aur Disha Patani ka naya gaana launch ho chuka hai aur release hote hi internet par chha gaya hai. Aaj se pehle kabhi bhi aapne in dono ko ek saath screen share karte hue nahi dekha hoga, lekin iss gaane mein Shahid aur Disha dono hi behad garam aur bold andaaz mein nazar aa rahe hain.
Still Image Credit: T-Series / Romeo Movie Official
Shahid Kapoor ki aane wali film Romeo ek romantic-thriller movie hai jo action se paripurn batayi ja rahi hai. Aise mein film ka yeh item number yeh ishara karta hai ki movie ka tone kaafi dark aur deadly hone wala hai.
Gaane ka Music aur Feel
Yeh item number baaki filmy item songs ki tarah tez-beats par bhagta hua nahi hai, balki yeh ek slow-paced aur classy composition hai jo kahin na kahin purani qawwali ki yaad dilata hai.
Disha Patani Bollywood ki sabse khoobsurat actresses mein se ek hain. Unka chehra ho ya unka figure – dono hi kaatilana lagte hain. Shuruaat mein gaana thoda sa boring lag sakta hai, lekin dheere-dheere apni lay pakad leta hai.
Jaise hi Shahid Kapoor dance floor par utarte hain, gaana zameen se uthkar chand ko chhoota hua mehsoos hota hai. Waise bhi duniya mein agar kuch sabse noorana hai, toh woh hai Shahid Kapoor aur Hrithik Roshan ko dance karte dekhna.
Gaane ke Lyrics
Kahiye kya pesh kare
Dil aur jaan haazir
Aashiqon ki masti mein
Aapka makaan haazirIshq ka itr mehanga tha par le liya
Shaam-e-gham ke liye kuch zehar le liya
Jeene marne ke samaan saare mile
Aashiqon ki colony mein ghar le liyaHo aap jo mehke yahaan aise dilshaad hua
Laila ke aane se sehra aabaad hua
Tera deedaar hua, saara din paar hua
Aankhon ka roza tha waqt-e-ifkaar huaIshq dariya-e-aashiq hai deewano re
Doob kar le liya, tair kar le liya
Aashiqon ki colony mein ghar le liya
Music Team aur Comparison
Is gaane ke bol likhe hain Gulzar jaise mahaan shayar ne aur music diya hai Vishal Bhardwaj ne. Yehi wajah hai ki gaane mein ek alag hi gehraai mehsoos hoti hai.
Gaana thoda sa John Abraham aur Sunny Leone ke purane item numbers ki yaad dilata hai, haalanki Sunny Leone ka item-song aura bilkul alag level ka raha hai. Phir bhi, iss gaane ne bhi wahi bold aur classy feel diya hai aur audience iski kaafi tareef kar rahi hai.
T-Series ne aaj iss gaane ko officially launch kiya hai aur release hote hi yeh gaana dhamakedaar views bator raha hai.
Film Romeo ki Kahani (Short)
Film Romeo pyaar, dhokhe aur bewafai ke ird-gird ghoomti hai. Romeo apne pyaar ke chakkar mein kis tarah barbaad hota hai aur baar-baar dhokhe ki dehleez par khada hota hai – yeh sab film mein dekhne ko milega.
Romeo ko Romeo banane ke peeche uska bachpan hai – ek aisi tanhaai aur toofan jo uski zindagi ko aam logon se bilkul alag bana deta hai.
Romeo pyaar ke liye jaan le sakta hai, lekin jaan dena uske bas ki baat nahi. Is film mein Shahid Kapoor ka ek intense, dilfek aur dangerous andaaz dekhne ko milega.
Romeo Movie Cast
Final Words
Iss Valentine’s Day taiyaar ho jaiye apne favourite romantic hero Shahid Kapoor ko bade parde par dekhne ke liye. Umeed hai yeh blog aapko pasand aaya hoga.
Comments
Post a Comment