Ek ladki, gareebi ke chalte, bohot kam umar me deh-vyapaar ke dhande me kadam rakhti hai.
Aur isi wajah se uske mata-pita use ghar se nikaal dete hain.
Ye kahani hai Aileena Wuornos ki.
Kahani ki shuruaat me Aileena ki jo gum kam karne ke liye pub me beer peene jaati hai.
Wahan Shelby naam ki ek ladki ki nazar Aileena par padti hai.
Wo use nihaar rahi hoti hai, dosti ke iraade se Aileena ke kareeb baith jaati hai.
Drink offer karte hue Shelby, Aileena ka haath pakad leti hai.
Aileena ko ye sab achha nahi lagta, isliye wo us par chilla padti hai aur kehti hai
ki use ladkiyon me koi dilchaspi nahi hai, wo lesbian nahi hai.
Iske baad Shelby kehti hai ki wo sirf usse dosti karna chahti thi.
Aileena ko daya aa jaati hai aur dono lambe samay tak ek saath waqt bitate hain.
Aileena bohot zyada pi chuki hoti hai aur apni sudh-buddh kho baithti hai.
Tab Shelby use apne kiraye ke makaan me le aati hai aur Aileena wahin so jaati hai.
Subah Shelby ka makaan-maalik gusse me chillate hue kehta hai ki aage se kisi aur ko
kamre me free me sone ke liye mat lana, ye koi dharamshala nahi hai.
Phir dono ghoomne nikalti hain.
Wahan dono ghanton tak ek saath waqt bitati hain aur wo lamha aa jaata hai
jab dono ek-dusre ke kareeb aa jaati hain aur kiss karti hain.
Shaam hone par America ki galiyon me dono ek-dusre ko chumti hui logon ko dikh jaati hain,
jiske baad unhe sharm aa jaati hai.
Isliye wo hotel book karne ki koshish karti hain, lekin Shelby ko jaldi nikalna hota hai,
isliye dono agle din pub me milne ka decide karti hain.
Agli raat Aileena apna jism bechne nikalti hai.
Wo ek customer ke paas jaati hai jo use long drive par le jaata hai.
Wahan customer bohot zyada samay lagata hai, jis wajah se Aileena use jaldi karne ko kehti hai,
kyunki Shelby pub me uska intezaar kar rahi hoti hai.
Lekin Aileena ki ye baat customer ko buri lag jaati hai.
Isliye wo Aileena ka rape karta hai aur use car me bandh kar buri tarah peet-ta hai,
laat-ghoonso se maarta hai.
Par Aileena kisi tarah apna haath chhuda leti hai aur car ke andar rakhi usi customer ki
revolver se us par goli chala deti hai.
Wo use self-defence me jaan se maar deti hai aur uski car aur paise lekar farar ho jaati hai.
Phir wo agle din subah Shelby se milti hai aur use sab bata deti hai ki
usne ek aadmi ka khoon kar diya hai.
Isliye wo Shelby ko lekar dusre shehar chali jaati hai.
Dusre shehar jaakar bhi Aileena wahi kaand karti hai.
Wo customers ke saath sunsaan sadkon par raat me jaati, aur thok ke unki car aur paise lekar bhaag jaati hai.
Is tarah Aileena 6 murder kar deti hai.
Aileena Shelby se kehti hai ki usne prostitution chhod diya hai aur wo naukri karegi.
Lekin use koi naukri nahi deta, kyunki jahan bhi wo interview dene jaati,
wahan uske pehle ke chhote-bade criminal records computer se saamne aa jate.
Phir ek din wo do customers ke saath jaati hai,
lekin wo dono aadmi police wale hote hain,
jo mauka milte hi Aileena ko daboch lete hain.
Phir adalat me Shelby ko katghare me khada karke poocha jaata hai
ki kya wo bhi Aileena ke saath murders me shamil thi.
Tab Shelby kehti hai ki ye ek khooni aur apradhi hai, ise saza di jaani chahiye.
Ise maut do, ye pagal ho chuki hai.
Ye sunne ke baad Aileena ka dil toot jaata hai.
Wo rone lagti hai aur judge se kehti hai
ki ye sab usne akele kiya hai, Shelby ka koi kasoor nahi.
Aileena batati hai ki usne itne saare khoon aur logon ko sirf isliye loota,
taaki wo Shelby se shaadi karke ek nayi zindagi ki shuruaat kar sake.
Lekin gunahon ki seedhi chadhkar aap sirf ek gunhegaar hi bante hain,
kisi ke humsafar nahi ban paate.
Aur ye seedi aapko manzil tak zaroor pahunchati hai,
lekin wo manzil kamyabi ki nahi hoti, balki maut hoti hai.
Aileena ko sazaye maut judge dwara di jaati hai
Ye ek Real Story hai aap chanhe to goolge per
Aileen Wuornos
ki kahani search kar sakte hai
Asha karte hain aapko ye kahani pasand aayi hogi.
Comments
Post a Comment