Dal Dal Web Series – Story & Review (Amazon Prime)
Movie ki shuruaat ek bahut hi disturbing scene se hoti hai jahan 10 chhoti bachiyon ki kidnapping dikhai jaati hai. Kidnapper bachiyon ko behosh karke car me le ja rahe hote hain. Car me 9 bachiyan hoti hain lekin ek bachchi bhag jaati hai.
Image Credit: © Amazon Prime Video | Dal Dal Web Series
Us bachchi ki maa use bachate hue bhagti hui ek chhat par pahunch jaati hai. Wahin ek kidnapper aata hai aur bachchi ko chheenne ki koshish karta hai. Chheena-jhapti ke dauran wo maa ko chhat se neeche gira deta hai, jisse uski maut ho jaati hai.
Tabhi wahan Bhumi Pednekar ki entry hoti hai. Wo us kidnapper par goli chalati hai, use thok deti hai aur bachchi ko rescue kar leti hai. Saath hi car me band baaki 9 bachiyon ko bhi bacha leti hai. Ye iss web series ka pehla scene hota hai.
Image Credit: © Amazon Prime Video | Dal Dal Web Series
Anant aur Javed ki kahani
Movie ki kahani aage chal kar Anant aur Javed naam ke do premi jode par focus karti hai jo ek-dusre se dilo-jaan se mohabbat karte hain.
Anant ki maa Russian thi jise kaam ka jhaansa dekar Mumbai ke Pillawadi red-light area me dhande me bitha diya gaya tha.
Wahin ek police officer customer bankar aata hai aur parde ke peeche chhup kar mujrim ke aane ka intezaar karta hai. Jaise hi mujrim aata hai, officer use maar deta hai. Isi dauran dono ko ek-dusre se pyaar ho jaata hai.
Kuch time baad Russian aurat pregnant ho jaati hai. Wo apni beti ko iss dal-dal me nahi laana chahti thi, isliye usne apni beti ka naam Anita ke bajay Anant rakha. Use bachpan se ladkon ki tarah paala, boy cut rakha aur waise hi jeene diya.
Anathalay ka dark sach
Ek din Anant ki maa ki maut ho jaati hai aur Anant ko ek ladkon ke anathalay me bhej diya jaata hai. Wahan sirf anathalay ka malik jaanta hota hai ki Anant asal me ladki hai.
Wo malik use bachpan se jawani tak apne kamre me bulata, chocolate ka laalach dekar uske jism ka shoshan karta rehta hai.
Usi anathalay me Javed bhi hota hai. Jab Anant jawan hoti hai, to wo Javed ke saath milkar us darinde malik ko maar deti hai. Dono anath hote hain aur saath hi bade hue hote hain.
Serial killing aur investigation
Iske baad kahani ek serial killing ki taraf mud jaati hai. In sab cases ki investigation Bhumi Pednekar karti hain aur bahut hi smart tareeke se case solve karti hain.
Investigation ke dauran unhe jo problems face karni padti hain, unhe kaafi realistic aur strong tareeke se dikhaya gaya hai. Web series pehle episode se hi viewer ko baandh kar rakhti hai.
Anant ka boyfriend Javed nashe ka aadi hota hai. Ek din dono beach par ghoom rahe hote hain aur ek achhe aadmi ka murder kar dete hain jo bechare kutton ko khana khilata tha. Sirf isliye kyunki Javed ko nashe ke liye paise chahiye hote hain.
Unka pyaar is had tak pagalpan ban chuka hota hai ki insaniyat peeche chhoot jaati hai.
Final Words
Dal Dal ek powerful aur dark web series hai jo 2026 ki shuruaat Amazon Prime ke liye bahut hi strong tareeke se karti hai.
Marathi industry ke senior aur popular actors iss series me shamil hain, jo acting ko aur bhi realistic bana dete hain.
Agar aapko crime, dark stories aur emotional thrill pasand hai, to ye web series zarur dekhein. Aisi kahani dobara dekhne ko mushkil hai.
Cast of Daldal (Web Series)
- Bhumi Pednekar as DCP Rita Ferreira
- Aditya Rawal as Sajid
- Samara Tijori as Anita Acharya
- Geeta Agrawal Sharma as Indu Mhatre
- Chinmay Mandlekar as Vikram Sathe
- Sandeep Kulkarni as Prabhat Raut
- Ananth Mahadevan as Manohar Swamy
- Sandesh Kulkarni as Sanjay Deshpande
- Saurabh Goyal as Jatin Shukla
- Vibhawari Deshpande as Isabel Ferreira
- Vijay Krishna as Aditya Kelkar
- Pratap Phad
- Prateek Pachauri as Doctor Peddler
Comments
Post a Comment