The Kerala Story 2 की पूरी कहानी: तीन लड़कियों की दर्दनाक सच्चाई
Divya ko reel banana pasand hota hai, lekin woh traditional reel banati thi, kyunki maa ne pure kapde pehenkar reel banane ki ijazat di thi.
Phir uska boyfriend Salim usse kehta hai ki chhote kapde pehenkar sexy dance reels banaya kar, aajkal traditional reels kaun dekhta hai. Is par Divya ghar mein chhote kapde pehenkar reels banana shuru kar deti hai.
Maa-baap use daantte hain aur gusse mein maa mobile tod deti hai. Gusse mein Divya Salim ko phone karti hai aur kehti hai – mujhse shaadi kar lo, phir jitni chaho utni reels banana, main khud record karke dungi.
Is chakkar mein Divya ghar se bhaag jaati hai aur Salim se shaadi kar leti hai. Shaadi ke liye use Muslim dharm mein convert hona padta hai. Wahan jaakar jab woh reels banana chahti hai, to Salim use bahut maarne lagta hai.
Agli kahani Neha ki hoti hai. Neha ek sportsperson hoti hai. Raju use apne prem-jaal mein fasa leta hai aur mandir mein shaadi kar leta hai.
Shaadi ke baad Neha apne pita ko phone karti hai aur kehti hai – “Maine shaadi kar li hai, pitaji.” Pita kehte hain – “Tumhara aur mera ab koi rishta nahi.”
Baad mein Raju batata hai ki uska asli naam Faizan hai. Woh maafi maangta hai, khud ko maarne ki dhamki deta hai aur apne aap ko gunahgaar batata hai. Neha pighal jaati hai aur use maaf kar deti hai.
Faizan kehta hai ki bina convert hue shaadi karke ghar nahi le ja sakta tha, isliye Neha ko Muslim tareeke se shaadi karni padti hai. Shaadi ke baad use Faizan ke ghar mein dhande par bitha diya jaata hai taaki paise kamaye jaa sakein.
Teesri kahani Kerala ki Priya ki hoti hai. Woh ek padhi-likhi ladki hoti hai aur Bilal se pyaar kar baithti hai.
Bilal pehle se shaadi-shuda hota hai aur ek bachchi ka baap bhi hota hai. Priya apne pita se kehti hai ki Bilal ka divorce hone tak woh uske saath live-in relationship mein rahegi.
Kuch dino baad Bilal apni biwi aur beti ko bhi usi ghar mein le aata hai. Jab Priya use expose karne wali hoti hai, to Bilal use kaid kar leta hai.
Use ek basti mein le jaaya jaata hai. Priya ki cheekh-pukaar poori basti mein goonjti hai, lekin koi use bachane nahi aata. Film mein dikhaya gaya hai ki wahan sab log ek jaise hi hote hain.
Is tarah teeno ladkiyan phans jaati hain aur yahan film ka interval ho jaata hai.
Aage ki kahani mein teeno ladkiyan apni zindagi kaise bachati hain ya nahi bachati, yeh jaanne ke liye aapko film dekhni padegi.
Film bahut zabardast hai. Ek bhi scene boring nahi lagta. Dekhne mein poora maza aa jata hai.
Comments
Post a Comment