Ek Ladki Ki Kahani Jise Bech Diya Gaya – Lakshmi (2011)

Lakshmi (2011) – Ek Dardnaak Kahani

Still image taken from Lakshmi (2011) | Production: Nagesh Kukunoor Cinema

Yeh 2011 me aayi film Lakshmi ki kahani hai, jo ek masoom ladki ki zindagi par based hai.

Kahani me ek waqt aata hai jab vakil Lakshmi se kehta hai ki usne us jaisi bahadur ladki kabhi nahi dekhi. Lakshmi jawab deti hai ki kisi ko to himmat dikhani hi hogi. Phir vakil use kehta hai ki court me sach batana ki woh wahan kaise pahuchi.

Court me Lakshmi apni kahani batati hai. Woh kehti hai ki ek din uske pita ne use chidiya ghar dikhane ke bahane ek aurat Radha ko sirf 30 hazaar me bech diya aur phir kabhi wapas nahi aaya.

Kuch ghanto baad Chinna wahan aata hai. Radha usse 50 hazaar leti hai aur Lakshmi ka sauda ho jata hai. Lakshmi chupke se sab dekh leti hai aur bhagne ki koshish karti hai, lekin Chinna use pakad leta hai aur Hyderabad le jata hai.

Wahan Reddy naam ka aadmi Lakshmi ko zabardasti us kaam ke liye ready karta hai. Lakshmi batati hai ki Reddy ek doctor ko bulata hai jo aisa injection deta hai jisse body me hormonal changes hote hain aur choti umr ki ladki bhi jawan dikhne lagti hai.

Phir court me doctor batata hai ki Reddy HIV positive hai aur woh masoom ladkiyon ka galat fayda uthata hai. Yeh sunte hi Lakshmi ke pairon tale zameen khisak jati hai, kyunki ab woh khud bhi HIV positive ho chuki hoti hai.

Agle din Radha ko court me bulaya jata hai. Woh Lakshmi ko paise dekar use kharidna chahti hai, lekin Lakshmi use sabke saamne beizzat kar deti hai.

Dusri taraf, Chinna ko pata chal jata hai ki Jyoti ne camera chupaya tha. Woh use bahut marta hai aur uski beti ko uska sach bata deta hai. Jyoti ki beti usse rishta tod deti hai aur ghar chhod kar chali jati hai.

Usi raat Jyoti Chinna ke kamre me jaakar use neend me maar deti hai.

Itna sab hone ke baad Lakshmi toot jati hai. Woh kehti hai ki woh jee to sakti hai, lekin jeene ki koi wajah nahi bachi. Aur aakhir me woh apni jaan de deti hai.

Court ka faisla aata hai jahan Radha aur Reddy ko 10 saal ki saza sunai jati hai aur unke saare illegal kaam band kar diye jate hain. Lakshmi ko 2 lakh rupaye ka muawza bhi diya jata hai.

Film ke end me media Lakshmi ko gher leti hai. Woh muskura rahi hoti hai, lekin uske andar ka dard sirf woh hi samajh sakti hai.

Kuch dino baad uske pita ko bhi giraftar kar liya jata hai, kyunki usne hi Lakshmi ko becha tha.

Isi ke saath yeh dardnaak kahani yahin khatam hoti hai.