Image credit: © Star Studios
🎬 Single Salma – Movie Story
Single Salma ek romantic-comedy film hai jisme Huma Qureshi Salma ka kirdaar nibhati hain. Salma ki age 35 saal ho chuki hoti hai, lekin uski shaadi ab tak nahi ho paati. Rishton ke naam par use sirf ajeeb aur bevakoof ladke hi milte hain, jinke wajah se Salma ka shaadi se bharosa uth jaata hai.
Isi beech Salma ki zindagi me entry hoti hai Shreyas Talpade ki, jo khud bhi 40 saal ke hote hain aur ab tak unmarried hote hain. Shreyas ki simplicity aur seedhaapan Salma ko achha lagta hai, aur use pehli baar ek apnapan mehsoos hota hai.
Image credit: © Star Studios
Dono ka rishta tay ho jaata hai aur mangni bhi ho jaati hai, lekin agle hi din office ke kaam se Salma ko London jaana padta hai. Yahin se kahani ek naya mod leti hai.
London me Salma ki mulaakaat hoti hai Sunny Singh se. Sunny ek free-spirited aur modern lifestyle jeene wala insaan hota hai. Dheere-dheere dono ke beech dosti badhne lagti hai aur Salma khud ko bilkul alag duniya me paati hai.
Image credit: © Star Studios
Isi dauraan Salma ki ek photo internet par viral ho jaati hai, jise Lucknow me sab dekh lete hain — yahan tak ki Shreyas bhi. Udhar Salma London se wapas laut rahi hoti hai, tabhi use Sunny kisi aur ke saath dekh kar sach ka ehsaas hota hai. Salma bina kuch kahe India laut aati hai.
Image credit: © Star Studios
Ghar aane par uske parents ka gussa aur samaaj ka pressure us par toot padta hai. Salma himmat karke Shreyas se milti hai aur apni zindagi ka sach uske saamne rakh deti hai. Shreyas ka reaction sabko surprise kar deta hai — wo kehta hai ki wo phir bhi Salma se shaadi karna chahta hai.
Lekin tabhi kahani me aata hai ek big twist — Sunny London se India aakar Salma se shaadi karne ka proposal rakh deta hai. Ab Salma ke saamne do raaste hote hain: ek taraf Shreyas ka bharosa aur apnapan, aur doosri taraf Sunny ka achanak badla hua faisla.
Image credit: © Star Studios
Ab Salma kya decision leti hai? Kaun sa rishta jeet ta hai? Ye sab jaanne ke liye aapko film dekhni hogi.
📺 Kahan Dekhein?
Single Salma ek light-hearted romantic comedy film hai jo aap Netflix par dekh sakte hain.
Image credit: © Star Studios
Note: Puri kahani yahin bata dena movie ke saath na-insafi hoti, isliye aage kya hota hai — wo aap film dekh kar hi jaaniye 😉
Image credit: © Star Studios
Comments
Post a Comment