Andhra King Taluka (2025) Movie Story Kahani mein hota yeh hai ki Sagar , Surya Superstar iss actor ka die-hard fan hota hai. Uske liye Sagar kisi bhi had tak jaa sakta hai. Ek din Surya apne gaav ke theatre ke malik ki beti Mahalaxmi ko usi ke theatre mein parde ke aage kiss karta hai. Picture chal rahi hoti hai aur parde ke aage dono kiss karte hain. Film dekhne aayi audience ko bhi yeh dikh jaata hai aur Mahalaxmi ka baap bhi wahaan maujood hota hai. Phir Sagar ko pakad kar Mahalaxmi ka baap aur uske aadmi use peet-te hain. Image Credit: Andhra King Taluka (2025) – Mythri Movie Makers / T-Series Sagar ko Mahalaxmi ka baap neecha dikhata hai aur kehta hai: "Meri beti ko tu kahan rakhega? Gandi naali ke keede, apni aukaat mein reh!" Yeh baat Sagar ke dil ko jhanjhor kar rakh deti hai aur woh thaan leta hai ki jab tak gaav mein Mahalaxmi naam se doosra theatre nahi bana leta, tab tak teri beti se shaadi nahi karega. Theatre banane...
Jab Pyar Pagalpan Ki Hadd Paar Kar De
Jab pyar pagalpan ki hadd paar kar de, to uska anjaam aksar khaufnaak hota hai.
Dan aur Beth ki shaadi 9 saal pehle hui thi, aur unka ek bachcha tha — Ellen. Ek din Beth apni beti Ellen ko lekar apne mayke chali jaati hai.
Image Credit: Fatal Attraction (1987) – © Jaffe/Lansing Productions / Paramount Pictures
Isi dauraan office me Dan ki mulaqat ek nihayati khoobsurat, fit aur model jaisi dikhne wali patrakaar Alex se hoti hai. Aate hi Alex ki nazar Dan par padti hai aur wo uski taraf zyada hi attract ho jaati hai.
Alex akeli rehti thi aur uska apartment khali pada hota hai. Ek subah jab Dan office ke liye ghar se nikalta hai, to halki barsaat hone lagti hai. Wo apna chhata bhoolne ka natak karta hai aur Alex ke chhate ke niche aa jaata hai. Dono saath office jaate hain.
Dheere-dheere Dan Alex ko apni baaton me phansa leta hai. Waise bhi Alex pehle se hi pyar aur vasna ki bhookhi thi. Yeh kehna galat nahi hoga ki Alex, Dan se zyada, khud apni physical need ki kami ko poori karna chahti thi.
Sirf chand dino ke andar hi dono Alex ke apartment me raat guzaarne lagte hain aur ek-dusre ke jism ki aag bujhate hain. Yeh silsila hafton tak chalta rehta hai — kabhi Alex ke apartment me, kabhi Dan ke ghar me, to kabhi shehar ki busy sadkon par.
Jab Dan apni saari kasar nikaal leta hai, to wo Alex se kehta hai ki ab yeh sab band hona chahiye, kyunki wo shaadishuda hai aur uski ek beti bhi hai.
Lekin Alex ne Dan ko apne dimaag aur dil dono me basaa liya tha. Wo Dan se kehti hai ki wo use chhod nahi sakti. Rishta jodna jitna aasaan hota hai, use todna utna hi mushkil.
Iske baad Alex, Dan ke peeche saaye ki tarah pad jaati hai. Dan ki zindagi pehle jaisi nahi rehti, aur Alex uske parivaar ki dushman ban jaati hai.
Ek din to Alex, Dan ki gair-maujoodgi me uske ghar tak pahunch jaati hai aur Dan ki sachchai uske biwi ke saamne laane ki dhamki deti hai, haalanki uss din Alex uski biwi ko kuch nahi batati.
Isi tarah film me aankh-micholi ka silsila chalta rehta hai, jo aapko film se bandhe rakhta hai. End me jo hota hai, wo shayad nahi hona chahiye tha, kyunki kahani ek behad dardnaak mod le leti hai.
Yeh film zarur dekhi jani chahiye. Movie Hindi me dubbed hai. Kahan dekh sakte hain? Iske liye aapko thoda internet khangaalna padega — dhundhne par to khuda bhi mil jaata hai, yeh movie kya cheez hai.
Pyar jitna pavitra bahar se dikhta hai, utna hi apavitra log ise bana dete hain. Shaadi mehez ek samjhauta ban kar reh jaati hai.
Ghar se bahar nikalne par log ek-dusre se attract hote hain, aur pata hi nahi chalta ki attraction kab dono ko bistar tak le aata hai.
Galti insaan se hi hoti hai. Agar aapse bhi koi galti hui hai, to ek-dusre ko maaf kar dena chahiye.
Kyunki vasna aur sacche pyar me dil aur dimaag jitna antar hota hai. Vasna dimaag se liya gaya faisla hota hai, jabki saccha pyar dil se liya gaya nirnay hota hai.
Aur bhi mazedaar aur masaledaar movies ki kahaniyan padhne ke liye niche diye gaye link par click karein. Agar pasand aaye, to is blog ko share karna na bhoolein.
👉 Aur Bhi Zabardast Movies Ki Kahaniyan Padhein
- 🎬 Jab Naukrani Ne Malik Ke Saath Biwi Ko Dhokha Diya – Housemaid (2010) Korean Movie Full Story in Hindi
- 🎬 Single Salma Movie Story in Hindi | Huma Qureshi & Shreyas Talpade | Netflix Romantic Comedy
🔔 Aisi hi masaledaar, emotional aur shocking movie stories padhne ke liye blog ko bookmark karein aur share karna na bhoolein.
Comments
Post a Comment